వర్ధిల్లెదము - మన దేవుని మందిరమందున నాటబడినవారమై 
నీతిమంతులమై - మొవ్వ వేయుదుము 
యేసు రక్తములోనే - జయము మనకు జయమే 
స్తుతి స్తోత్రములోనే - జయము మనకు జయమే 

యెహోవా మందిర ఆవరణములో ఎన్నెన్నో మేళ్ళు కలవు 
ఆయన సన్నిధిలోనే నిలిచి - అనుభవింతుము ప్రతి మేలును || వర్ధి  || 

యేసయ్య సిలువ బలియాగములో అత్యున్నత ప్రేమ కలదు 
ఆయన సముఖములోనే నిలిచి - పొందెదము శాశ్వత కృపను || వర్ధి || 

పరిశుద్ధాత్ముని అభిషేకములో - ఎంతో ఆదరణ కలదు 
ఆయన మహిమైశ్వర్యము మన దుఃఖము సంతోషముగా మార్చును || వర్ధి  ||