దేవా! నీ కృప నిరంతరం – మారనిదెపుడు నా ప్రభువా
నిత్యజీవము గలది ప్రియ ప్రభువా …..
దేవా! నీ కృప నిరంతరం

1. పాపినగు నన్ను ఓ ప్రభువా – పరిశుద్ధపరచెను నీ కృపయే -2

పరమ స్వాస్థ్యము నొందుటకు – ప్రేమతో నన్ను పిలిచితివే -2 ॥ దేవా ॥

2. రక్షణ భాగ్యము పొందుటకు – రక్షక యేసు నీ కృపయే -2

నిత్యము నీతో నుండుటకు – నిత్య జీవము నిచ్చితివే -2 ॥ దేవా ॥

3. విశ్వాస జీవితం చేయుటకు – విజయము నిచ్చెను నీ కృపయే -2

శోధన బాధలు అన్నిటిలో – శక్తినొసంగి నడిపితివే -2 ॥ దేవా ॥

4. కృపలో నడుపుము ఓ దేవా – కృపతో నింపుము నా ప్రభువా -2

నిత్యము కృపలో నన్ను నడిపి – నిన్నెదుర్కొనుటకు శక్తినిమ్ము -2 ॥ దేవా ॥