దేవా నీ కృపచొప్పున – నన్ను కరుణింపుము
కృప చొప్పున నా అతిక్రమ – ములను తుడిచివేయుము

పల్లవి : యెహోవా నా దేవా

1. నా దోషము పోవునట్లు నన్ను బాగుగా కడుగుము
నా పాపము పోవునట్లు నన్ను పవిత్రపరచుము
|| యెహోవా నా దేవా ||

2. నీకు విరోధముగానే – పాపము చేసియున్నాను
నీ దృష్టి యెడల చెడు – తనము నే చేసియున్నాను
|| యెహోవా నా దేవా ||

3. ఆజ్ఞ యిచ్చునపుడు – నీతిమంతుడవుగను
తీర్పు తీర్చునపుడు నిర్మలుడవుగ నుందువు
|| యెహోవా నా దేవా ||

4. పాపములోనే పుట్టిన – వాడను పాపములోనే
నాదు తల్లి నన్ను గర్భము ధరియించెను
|| యెహోవా నా దేవా ||

5. నీ వంతరంగమున – సత్యము కోరుచున్నావు
ఆంతర్యములో నాకు జ్ఞనము తెలియజేయుదువు
|| యెహోవా నా దేవా ||

6. హిస్సోపుతో శుద్ధీకరించు – పవిత్రుడనగుదును
హిమము కంటె తెల్లగా నుండునట్లు కడుగుము
|| యెహోవా నా దేవా ||

7. ఉత్సాహ సంతోషములు – నాకు వినిపింపుము
అప్పుడు నీవు విరిచిన – యెముకలు హర్షించును
|| యెహోవా నా దేవా ||