పల్లవి : మహోన్నతుని చాటున వసియించువాడే ధన్యుండు
సర్వశక్తుని నీడను విశ్రమించు వాడే ధన్యుండు

1. ఆయనే నా కోట ఆశ్రయము నే నమ్ముకొను దేవుడు
రక్షించు వేటకాని ఉరి నుండి – పాడు తెగులు నుండి
|| మహోన్నతుని ||

2. తన రెక్కలతో నిను కప్పును నీకు ఆశ్రయంబగును
ఆయన సత్యంబు నీ కేడెమును డాలునై యున్నది
|| మహోన్నతుని ||

3. రేయి భయమునకైనా పగటిలో నెగురు బాణమునకైనా
చీకటిలో తిరుగు తెగులునకైనా – నీవు భయపడవు
|| మహోన్నతుని ||

4. మధ్యాహ్నములో పాడుచేయు రోగమునకు భయపడవు
నీ ప్రక్కను వేయి మంది పడినను నీవు భయపడవు
|| మహోన్నతుని ||

5. నీ కుడిప్రక్కను పదివేల మంది కూలిపోయినను – నీవు భయపడవు
అపాయము నీ దాపున కేమాత్రము రాదు భయపడవు
|| మహోన్నతుని ||

6. భక్తిహీనులకు కల్గు ప్రతిఫలము నీవు చూచెదవు
మహోన్నతునే ఆశ్రయముగా చేసి వసించు చున్నావు
|| మహోన్నతుని ||

7. నీ గుడారమున కపాయము తెగులు సమీపించదు
నీ మార్గంబులలో నిను కాపాడను దూతలకు చెప్పున్
|| మహోన్నతుని ||

8. నీ పాదములకు రాయి తగుల నీక నిన్నెత్తు కొందురు
సింహములను నాగుల భుజంగములను అణగ ద్రొక్కెదవు
|| మహోన్నతుని ||

9. నన్నెరిగి ప్రేమించె గాన నేను వాని ఘనపరతున్
నా నామమున మొఱ్ఱపెట్టగా నేను ఉత్తరమిచ్చెదను
|| మహోన్నతుని ||

10. శ్రమలో తోడై విడిపించి వాని గొప్ప చేసెదను
దీర్ఘాయువుతో తృప్తిపరచి – నా రక్షణ చూపెదను
|| మహోన్నతుని ||